Turqia proteston kundër veprimeve agresive ndaj truprojave të Erdoganit

16:09 | 22 Maj 2017
Arbresh.info

Turqia ka thirrur ambasadorin amerikan për të protestuar kundër veprimeve agresive ndaj truprojave turke në Uashington DC, raporton AP.

Truprojat e presidentit Recep Tayyip Erdogan u përfshinë në një zënkë javën e shkuar kur presidenti vizitoi Shtëpinë e Bardhë, transmeton portali arbresh.info.

Nëntë persona u lënduan dhe dy u arrestuan në përleshjen mes truprojave dhe protestuesve anti-Erdogan.

Në Uashington kanë kërkuar për veprime të forta kundër truprojave pas zënkës. Departamenti i Shtetit ka thënë që ata ishin duke ia komunikuar brengat qeverisë turke në termet më të fuqishme të mundshme.

Kurse Ministria e Jashtme turke thotë se ambasadorit amerikan i është dhënë “protestë verbale dhe e shkruar” për mënyrën se si është trajtuar situata. Vendi po bën thirrje për një “hetim të plotë të këtij incidenti diplomatik”./Arbresh.info